کراچی میں بھارتی ڈیلٹا ویرینٹ کے 35 کیسز کی تصدیق

کراچی میں بھارتی ڈیلٹا ویرینٹ کے 35 کیسز کی تصدیق

  

کراچی (اسٹاف رپورٹر)محکمہ صحت سندھ نے ملک کے سب سے بڑے شہر کراچی میں کورونا وائرس کے بھارتی ڈیلٹا ویرینٹ کے 35 کیسز کی تصدیق کر دی۔سندھ کے محکمہ صحت کے مطابق اب تک ڈیلٹا ویرینٹ کے 35 کیسز کراچی میں سامنے آ چکے ہیں، ڈیلٹا ویرینٹ سے متاثرہ افراد میں وائرس کی شدید علامات سامنے آئی ہیں۔محکمہ صحت سندھ کا کہنا ہے کہ لیاری میں ایک ہی خاندان کے 5 افراد ڈیلٹا وائرس سے متاثر پائے گئے، ڈیلٹا ویرینٹ کے ان تمام متاثرہ افراد کا علاج جاری ہے۔سندھ کے محکمہ صحت نے یہ بھی بتایا ہے کہ شہرِ قائد کراچی میں رواں ماہ کورونا وائرس کے بھارتی ڈیلٹا ویرینٹ کے 18 کیسز رپورٹ ہو چکے ہیں۔دوسری جانب سندھ کی وزیرِ صحت ڈاکٹر عذرا پیچوہو نے بھارتی ڈیلٹا ویرینٹ کے پھیلاو کے پیشِ نظر اپیل کی ہے کہ عوام اپنی نقل و حرکت محدود کریں اور احتیاطی تدابیر اپنائیں۔وزیرِ صحت سندھ نے کہا کہ عوامی مقامات پر ماسک کا استعمال ضرور کریں، ڈیلٹا ویرینٹ کے پڑوسی ملک بھارت میں ہونے والے اثرات ہمارے سامنے ہیں۔

مزید :

صفحہ اول -