میڈم سنگیتا آج اپنی 70 ویں سالگرہ منائیں گی

لاہور (فلم رپورٹر)میڈم سنگیتا آج اپنی 70 ویں سالگرہ منائیں گی ۔ سنگیتا 14جون 1947ء کو کراچی میں پیدا ہوئیں ان کا اصل نام پروین رضوی ہے مگر ان کو شہرت سنگیتا کے نام سے ملی ۔ پاکستا ن فلم انڈسٹری کی شوخ و چنچل سنگیتا نے اپنے فنی کیرےئر کا آغاز 1967ء میں فلم ’’کو ہ نور‘‘ سے کیا ۔ 1976ء میں انہوں نے بطور ہدایتکارہ فلم ’’سوسائٹی گرل ‘‘بنائی جس کی نمائش نے ہر طرف دھوم مچادی ۔ سنگیتا کی 1984ء میں بطور ہدایتکارہ فلم ’’نام میرا بد نام ‘‘نے شاندار بزنس کیاجس میں ان کی زبردست پرفارمنس نے تہلکہ مچادیا ۔ اداکارہ سنگیتا نے اردو اورپنجابی فلموں میں اپنی لاجواب اداکاری سے شائقین فلم کے دل جیت لئے ۔ سنگیتا نے جہاں سلور سکرین پر اپنی اداکاری کے ان مٹ نقوش چھوڑے وہیں موجودہ دور میں ان کے ڈرامے بھی عوام میں بے حد مقبول ہیں ۔ سنگیتا آج بھی فلموں کی ڈائریکشن کے ساتھ ٹی وی ڈراموں میں اداکاری کے جوہر دکھارہی ہیں ۔
اداکارہ وہدایتکارہ سنگیتا 14جون کو اپنے اہل خانہ کے ساتھ کراچی میں اپنی سالگرہ کا کیک کاٹیں گی ۔