چین نے پاک افغان کشیدگی خاتمے کیلئے ثالثی کا بیڑہ اٹھا لیا: اشرف غنی

چین نے پاک افغان کشیدگی خاتمے کیلئے ثالثی کا بیڑہ اٹھا لیا: اشرف غنی

بیجنگ(این این آئی)چین نے پاکستان اور افغانستان کے درمیان کشیدگی کو کم کرنے کیلئے ثالثی کا کردار ادا کرنیکی خواہش ظاہر کردی ہے اس سلسلے میں چینی وزیر خارجہ وانگ یی جلد ہی کابل کا دورہ کریں گے، جہاں وہ پاک،افغان تعلقات میں بہتری سے متعلق افغان حکام سے ملاقات کریں گے۔افغان اشاعتی ادارے کی ایک رپورٹ کے مطابق افغان صدر اشرف غنی کے دفتر سے جاری بیان میں کہا گیا ہے چینی وزیر خارجہ وانگ یی جلد ہی کابل کا دورہ کریں گے، جہاں وہ پاک،افغان تعلقات میں بہتری کے حوالے سے افغانستان کے حکام سے ملاقات کریں گے۔مزید کہا گیا کہ چینی وزیر خارجہ ان ملاقاتوں کے دوران چار فریقی کورآڈینیشن کمیٹی کے ارکان افغانستان، پا کستا ن، امریکہ اور چین کے درمیان ملاقات کے امکانات پر بھی تبادلہ خیال کریں گے۔اپنے بیان میں اشرف غنی کا کہنا تھایہ پہلی مرتبہ ہے کہ چین افغان امن عمل میں بطور ثالث کردار ادا کرنا چاہتا ہے اور جلد ہی چینی وزیر خارجہ کابل کا دورہ کریں گے، پاکستان کیساتھ امن ہمارا مطالبہ تھا اور اسے حکومتوں کے درمیان حل ہونا چاہیے۔واضح رہے یہ پیش رفت ایک ایسے وقت میں ہوئی ہے جب 31 مئی کو کابل میں ہونے والے ٹرک بم دھماکے کے نتیجے میں 150 سے زائد افراد ہلاک اور سیکڑوں زخمی ہوگئے تھے۔افغان طالبان سمیت کسی بھی گروپ نے اس حملے کی ذمہ داری قبول نہیں کی۔

اشرف غنی

مزید : کراچی صفحہ اول


loading...