منی لانڈرنگ ریفرنس ،احتساب عدالت نے آصف زرداری کو آئندہ سماعت پر طلب کرلیا

 منی لانڈرنگ ریفرنس ،احتساب عدالت نے آصف زرداری کو آئندہ سماعت پر طلب کرلیا
 منی لانڈرنگ ریفرنس ،احتساب عدالت نے آصف زرداری کو آئندہ سماعت پر طلب کرلیا

  

 اسلام آباد(آئی این پی ) احتساب عدالت نے منی لانڈرنگ ریفرنس میں پاکستان پیپلز پارٹی کے شریک چیئرمین آصف زرداری کو طلب کر لیا۔احتساب عدالت اسلام آباد کے جج اصغر علی نے سابق صدر آصف زرداری کیخلاف منی لانڈرنگ ریفرنس کیس کی سماعت کی۔ نیب پراسیکیوٹر وسیم جاوید عدالت کے روبرو پیش ہوئے۔ احتساب عدالت نے آئندہ سماعت پر آصف زرداری کو طلب کرتے ہوئے ہدایت کی کہ سابق صدر اور شریک ملزم 29 جون کو عدالت کے روبرو پیش ہوں۔ سابق صدر پر 8 ارب سے زائد کی منی لانڈرنگ کا الزام ہے۔ ریفرنس میں ایوان صدر کا سابق سٹینو گرافر مشتاق احمد بھی شریک ملزم نامزد ہے۔ نیب ریفرنس کے مطابق آصف زرداری نے جعلی اکاونٹس کا استعمال کر کے آٹھ ارب سے زائد کی منی لانڈرنگ کی۔

مزید :

علاقائی -اسلام آباد -