سندھ میں پڑھنے کی جگہ گدھے، گھوڑے بندھے ہوئے ہیں، چیف جسٹس گلزا ر احمد کے ریمارکس

سندھ میں پڑھنے کی جگہ گدھے، گھوڑے بندھے ہوئے ہیں، چیف جسٹس گلزا ر احمد کے ...
سندھ میں پڑھنے کی جگہ گدھے، گھوڑے بندھے ہوئے ہیں، چیف جسٹس گلزا ر احمد کے ریمارکس

  

کراچی (ڈیلی پاکستان آن لائن ) چیف جسٹس آف پاکستان جسٹس گلزار احمد نے سپریم کورٹ کراچی رجسٹری میں کیس کی سماعت کے دوران سندھ میں سکولوں کی حالت پر برہمی کا اظہار کرتے ہوئے ریمارکس دیئے ہیں کہ پورے صوبے میں جیکب آبادجیساحال پورے سندھ کاہے،سکول کی جگہ پرہوٹل چل رہے ہیں،پڑھنے کی جگہ پرگدھے،گھوڑے بندھے ہوئے ہیں،لوگوں کوپانی کی بھی ایک بوندنہیں ملتی۔

نجی ٹی وی دنیا نیوز کے مطابق سپریم کورٹ کراچی رجسٹری میں جیکب آبادکے تعلیمی اداروں کیلئے مختص زمینوں کی فروخت کے حوالے سے دائر کی گئی درخواست پر سماعت ہوئی۔ درخواست گزار کی جانب سے موقف اپنایا گیا کہ پیپلزپارٹی کے بااثرلوگوں نے سکول کی زمینیں بھی فروخت کردیں۔

چیف جسٹس گلزار احمدنے کیس کی سماعت کے دوران ریمارکس دیئے کہ جیکب آبادجیساحال پورے سندھ کاہے،سکول کی جگہ پرہوٹل چل رہے ہیں،پڑھنے کی جگہ پرگدھے،گھوڑے بندھے ہوئے ہیں۔

سپریم کورٹ کی جانب سے مشیروزیراعلیٰ اعجازجاکھرانی ،ایم پی اے اسلم ابڑو کو بدھ کے روز عدالت میں طلب کرلیا گیا۔

مزید :

اہم خبریں -قومی -علاقائی -سندھ -کراچی -