کراچی کنگز کے موجودہ کپتان آئن مورگن نے پاکستان میں عدم دستیابی کا اعلان کر دیا

کراچی کنگز کے موجودہ کپتان آئن مورگن نے پاکستان میں عدم دستیابی کا اعلان کر ...
کراچی کنگز کے موجودہ کپتان آئن مورگن نے پاکستان میں عدم دستیابی کا اعلان کر دیا

  


شارجہ (ڈیلی پاکستان آن لائن )پاکستان سپر لیگ کی ٹیم کراچی کنگز کے کپتان آئن مورگن نے لاہور اور کراچی میں ہونے والے میچوں میں شرکت کرنے سے معذرت کر لی ہے ۔

تفصیلات کے مطابق آئن مورگن کا کہناتھا کہ اگر ہماری ٹیم پلے آف مرحلے میں پہنچتی ہے تو میں مزید میچز کھیلنے کیلئے پاکستان نہیں آ سکوں گا کیونکہ یہ سردیاں میرے لیے بہت طویل ہو گئی ہیں اور میں دسمبر سے اپنے گھر والوں سے دو ر ہوں اور شارجہ سے سیدھا میں اپنی فیملی کے پاس جاﺅں گا ۔آئن مورگن نے پاکستان میں کرکٹ کی بحالی کے حوالے سے نیک خواہشات کا اظہار کرتے ہوئے کہا کہ گزشتہ سال لاہور میں پی ایس ایل کا فائنل کامیابی تھی اور پاکستان میں کرکٹ کی بحالی کیلئے پہلے ہی بہت اقدامات اٹھائے جا چکے ہیں اور اس میں مزید ترقی ہو رہی ہے ۔

واضح رہے کہ آئن مورگن کو کراچی کنگز کے کپتان عماد وسیم کے زخمی ہونے کے باعث کپتان بنایا گیاہے اور وہ باقی میچز میں کپتانی کے فرائض انجام دیں گے ۔

مزید : کھیل /PSL /PSL News Update