کوروناوائرس کے خوف سے امریکی صدرعبادت پر مجبور،بڑااعلان کردیا

کوروناوائرس کے خوف سے امریکی صدرعبادت پر مجبور،بڑااعلان کردیا
کوروناوائرس کے خوف سے امریکی صدرعبادت پر مجبور،بڑااعلان کردیا

  



واشنگٹن(ڈیلی پاکستان آن لائن)کوروناوائرس نے امریکی صدرکو عبادت پر مجبور کردیا۔صدر ڈونلڈ ٹرمپ نے اعلان کیا ہے کہ اتوار کو امریکا بھر میں یوم دعا منایاجائے گا۔

سماجی رابطوں کی ویب سائٹ ٹویٹر پر دیئے گئے بیان میں صدر ڈونلڈ ٹرمپ نے کہا ہے کہ یہ ان کیلئے اعزاز کی بات ہے کہ وہ 15مارچ کو ملک بھرمیں قومی دن برائے دعا کا اعلان کررہے ہیں۔ہم وہ ہیں جنہوں نے ایسے (مشکل)و قت میں تحفظ کیلئے ہمیشہ خدا کی طرف دیکھا“۔

انہوں نے کہا” آپ چاہے جہاں سے بھی تعلق رکھتے ہیں، میں آپ سے گزارش کرتاہوں کہ دعا کی طرف آجائیں۔ متحد ہوکر ہی ہم اس پر غلبہ پاسکتے ہیں“۔

واضح رہے کہ امریکی صدر ڈونلڈٹرمپ نے گزشتہ شب امریکا بھرمیں کرونا وائرس سے نمٹنے کیلئے ایمرجنسی نافذ کرنے کااعلان کیاتھا، امریکی صدر نے ملک بھرمیں کرونا کیخلاف اقدامات کیلئے چالیس ارب ڈالرزکے فنڈز کا بھی اعلان کیا۔

واضح رہے امریکا بھرمیں اب تک کورونا وائرس سے پچاس افراد ہلاک ہوئے ہیں جبکہ 2,329کیسز سامنے آچکے ہیں ۔دنیا بھر میں کووڈ-19 نامی اس وائرس سے متاثر ہونے والے افراد کی تعداد ایک لاکھ 42 ہزار سے بڑھ چکی ہے جبکہ 5300 سے زیادہ لوگ ہلاک ہو چکے ہیں۔

مزید : بین الاقوامی