عامر لیاقت حسین کا مستقبل میں تحریک انصاف سے راہیں جدا کرنے کا اعلان، وزیراعظم کو نہ گھبرانے کا مشورہ بھی دیدیا

عامر لیاقت حسین کا مستقبل میں تحریک انصاف سے راہیں جدا کرنے کا اعلان، ...
عامر لیاقت حسین کا مستقبل میں تحریک انصاف سے راہیں جدا کرنے کا اعلان، وزیراعظم کو نہ گھبرانے کا مشورہ بھی دیدیا

  

 کراچی(ویب ڈیسک)  پاکستان تحریک انصاف ( پی ٹی آئی )کے رکن قومی اسمبلی  عامرلیاقت حسین نے بھی کپتان کو خدا حافظ کہنے کیلئے پرتول لیے ہیں،مستقبل میں پی ٹی آئی سے راہیں جدا کرنے کا اعلان کرتے ہوئے کہا کہ وزیراعظم کو نہ گھبرانے کا مشورہ دیا ہے۔

ایکسپریس نیوز کے مطابق انہوں نے مزید کہا کہ وزیر اعظم آپ کے چاہنے والے آپ کے بدترین رویے کے باوجود آپکے ساتھ ہیں، اعصاب کا کھیل ہے، اللہ پاکستان کے لیے بہتر کرے، اس کے بعد ہمارے راستے جدا، آپ نے وفا کا جو صلہ دیا اُسے یاد رکھوں گا۔

واضح رہے کہ عامرلیاقت حسین وزیراعظم عمران خان کے حالیہ دورہ کراچی اورتحریک انصاف کی جانب سے تقاریب میں مدعو نہ کیے جانے پرخفا ہیں۔ دوسری جانب پی ٹی آئی کے چار اراکین سندھ اسمبلی نے سینیٹ کے حالیہ انتخاب میں پیپلزپارٹی کے امیدوار نثار کھوڑو کو ووٹ دیا۔ باغی اراکین میں اسلم ابڑو، شہریارخان شر، کریم بخش گبول اوردیوان سچل شامل ہیں۔تحریک انصاف کے لیاری سے ایم این اے شکورشاد بھی موجودہ حالات میں پارٹی سے نالاں ہیں۔ انہوں نے گزشتہ عام انتخابات میں پیپلزپارٹی کےچیئرمین بلاول بھٹوزرداری کولیاری کی نشست پرشکست دی تھی۔

مزید :

قومی -اہم خبریں -