پارٹی چھوڑنے کی خبروں پر تحریک انصاف کے رکن اسمبلی صاحبزادہ محمد محبوب سلطان کا موقف بھی آگیا
اسلام آباد (ڈیلی پاکستان آن لائن) پارٹی چھوڑنے کی خبروں پر وفاقی وزیر اور تحریک انصاف کے رکن اسمبلی صاحبزادہ محمد محبوب سلطان کا موقف بھی آگیا اور انہوں نے اس تاثر کی سختی سے تردید کی ۔
سوشل میڈیا پر اپنے ایک بیان میں ان کاکہناتھاکہ میں وزیراعظم عمران خان کیساتھ کھڑا ہوں اور اللہ نے چاہا تو کھڑا رہوں گا، پارٹی چھوڑنے کے تاثر کی تردید کرتا ہوں۔ انہوں نے واضح کیا کہ "میرے چچااورخانوادہ کےسیاسی سربراہ صاحبزادہ نذیر سلطان کی بیمار پرسی کیلئے مختلف پارٹیز سے مہربان آرہے ہیں، اس کو موجودہ سیاسی صورتحال سے منسلک نہ کیا جائے"۔
میں اس تاثر کی سختی سے تردید کرتا ہوں کہ میں PTI چھوڑ رہا ہوں، میں PM @ImranKhanPTI کیساتھ کھڑا ہوں اور رہونگا، انشاءاللہ۔
— Sahibzada Muhammad Mehboob Sultan (@SahibzdaSultan) March 13, 2022
میرے چچااورخانوادہ کےسیاسی سربراہ صاحبزادہ نذیر سلطان کی بیمار پرسی کیلئے مختلف پارٹیز سے مہربان آرہے ہیں اس کو موجودہ سیاسی صورتحال سے منسلک نہ کیا جائے۔
یادرہے کہ اپوزیشن جماعتوں نے وزیراعظم کے خلاف تحریک عدم اعتماد لانے کا اعلان کررکھا ہے جس کے بعد سے سیاسی میدانوں میں بھی ہلچل ہے اور کئی لوگوں کی وفاداریاں افواہوں کی زد میں ہیں۔
