پنجاب اسمبلی الیکشن،(ن) لیگ کا تمام نشستوں سے امیدوار کھڑے کرنے کا فیصلہ
لاہور (مانیٹرنگ ڈیسک، نیوز ایجنسیاں) پاکستان مسلم لیگ (ن) نے پنجاب کی تمام نشستوں سے اپنے امیدوار کھڑے کرنے کا فیصلہ کر لیا ہے،جبکہ پارٹی قائد نواز شریف نے کہا ہے کہ انتخابات کیلئے ٹکٹ میرٹ پر دئیے جائیں گے، نظریاتی ورکرز کو نظر انداز نہیں کیا جائیگا۔ذرائع کے مطابق مسلم لیگ (ن) کے قائد اور سابق وزیر اعظم نواز شریف نے پارٹی صدر و وزیراعظم شہباز شریف اور چیف آرگنائزر مریم نواز سے ٹیلی فونک رابطہ کیا۔ نواز شریف نے شہباز شریف اور مریم نواز سے پنجاب اسمبلی کے انتخابات سے متعلق تفصیلی گفتگو کرتے ہوئے انتخابی مہم بھرپور طریقے سے چلانے کی ہدایت کی۔ پارٹی ذرائع کے مطابق مسلم لیگ (ن) نے پنجاب کی تمام نشستوں سے اپنے امیدوار کھڑے کرنے کا فیصلہ کیا ہے، اس ضمن میں چیف آرگنائزر مریم نواز نے صوبہ بھر کے امیدواروں کے چناؤ کے حوالے سے اپنی سفارشات نواز شریف کو ارسال کر دی ہیں،مسلم لیگ (ن) کے حتمی امیدواروں کا چناؤ پارلیمانی بورڈ کی سفارشات اور انٹرویو کے بعد ہو گا،جبکہ پارلیمانی بورڈ کی صدرات مسلم لیگ (ن) کے قائد نواز شریف خود کریں گے۔
ن لیگ فیصلہ
 لیگ کا تمام نشستوں سے امیدوار کھڑے کرنے کا فیصلہ ){kind=link}