خیرپور(آئی این پی )خیرپور میں حضرت سچل سرمستؒ کے آج 14 مارچ سے شروع ہونیوالے 204 ویں عرس مبارک کے موقع پر ڈپٹی کمشنر سید احمد فواد شاہ نے ضلع بھر میں عام تعطیل کا نوٹیفکیشن جاری کردیا۔
شاعرہفت زبان حضرت سچل سرمستؒ کے 204 ویں عرس کی تقریبات کا آغاز کل بروز ہفتہ کو ہوگا، وزیر اعلیٰ سندھ سید مراد علی شاہ مزار پر چادر چڑھاکر باقاعدہ عرس مبارک کا افتتاح کریں گے ۔ خیرپور میں حضرت سچل سرمستؒ کے عرس کے موقع پر ضلع بھر میں عام تعطیل ہوگی،14 مارچ سے شروع ہونے والے عرس مبارک کے موقع پر ڈپٹی کمشنر سید احمد فواد شاہ نے ضلع بھر میں عام تعطیل کا نوٹیفکیشن جاری کردیا ہے۔
عرس کے موقع پاکستان سمیت دیگر ممالک سے بھی زائرین شرکت کریں گے ۔ عرس کے انتظامات دیکھنے کے لیے ایس ایس پی خیرپور نےحضرت سچل سرمستؒ کے مزار کا دورہ کیا اور سی سی ٹی وی مانیٹرنگ روم کا وزٹ بھی کیا۔