سپریم کورٹ نے پشاور ہائیکورٹ کو فوجی عدالتوں سے سزا یافتہ مجرموں کی رہائی سے روک دیا

  سپریم کورٹ نے پشاور ہائیکورٹ کو فوجی عدالتوں سے سزا یافتہ مجرموں کی رہائی ...

  

اسلام آباد(آئی این پی) سپریم کورٹ نے پشاور ہائیکورٹ کو ملٹری کورٹس سے سزا یافتہ ملزمان کو رہا کرنے سے روکتے ہوئے کہاہے کہ پشاور ہائیکورٹ ضمانت کے عبوری احکامات بھی جاری نہ کرے اور میرٹ پر سماعت جاری رکھے۔ جمعرات کو جسٹس مشیر عالم اور جسٹس قاضی امین پر مشتمل سپریم کورٹ کے بنچ نے ملٹری کورٹ سے سزا یافتہ قیدیوں کی پشاور ہائی کورٹ سے ضمانتوں کے خلاف وفاق کی درخواست پر سماعت کی۔اٹارنی جنرل نے کہا کہ یہ غیر معمولی مقدمات ہیں ان میں ضمانتوں سے ناقابل تلافی نقصان ہوگا، جنہیں عدالت رہا کرنے جاری ہے ان افراد کی گرفتاریوں کیلئے کئی لوگوں نے جان کا نذرانہ پیش کیا۔جسٹس مشیرعالم نے کہا کہ اگر سپریم کورٹ پشاور ہائیکورٹ کو ضمانت دینے سے روکتی ہے تو غلط روایت ہوگی، ایسے تو ہر آدمی ہائیکورٹ کے خلاف سپریم کورٹ آ جائے گا۔سپریم کورٹ نے پشاور ہائیکورٹ کو ملٹری کورٹس سے سزا یافتہ ملزمان کو رہا کرنے سے روکتے ہوئے حکم دیا کہ پشاور ہائیکورٹ ضمانت کے عبوری احکامات بھی جاری نہ کرے، تاہم مقدمات کی میرٹ پر سماعت جاری رکھے۔عدالت نے فریقین کو نوٹس جاری کر کے سماعت آئندہ پیر تک ملتوی کردی۔

روک دیا

مزید :

صفحہ آخر -