سندھ میں کورونا کو شکست دینے کا ریکارڈ قائم، مرتضی وہاب

  سندھ میں کورونا کو شکست دینے کا ریکارڈ قائم، مرتضی وہاب

  

کراچی (اسٹاف رپورٹر)ترجمان سندھ حکومت بیرسٹر مرتضی وہاب نے کہا ہے کہ عالمی وبا کورونا وائرس کو شکست دینے کا سندھ میں ریکارڈ قائم ہو گیا ہے، چوبیس گھنٹوں کے دوران 607 مریضوں نے کورونا کو شکست دیدی۔بیرسٹر مرتضی وہاب نے اپنے ایک بیان میں کہا ہے کہ ایک دن میں کورونا سے صحتیاب ہونے والوں کی اب تک یہ سب سے بڑی تعداد ہے۔ ان افراد نے خود کو آئیسولیشن میں رکھ کر کورونا کو مات دی ہے۔مرتضی وہاب نے کہا کہ پچھلے چوبیس گھنٹوں میں کورونا وائرس کے پندرہ مریض جان کی بازی ہار گئے۔انہوں نے کہا کہ ہمیں مہذب قوم کا ثبوت دیتے ہوئے احتیاطی تدابیر اختیار کرنی ہیں کیونکہ اپنے اہل و عیال اور خود کو کورونا سے بچانے کا یہ واحد ذریعہ ہے۔ترجمان سندھ حکومت نے کہا کہ ہمیں ایک دوسرے کو ماسک پہننے، بار بار ہاتھ منہ دھونے اور سماجی فاصلہ اختیار کرنے کی ترغیب بھی دینی ہے۔اپنے بیان کے آخر میں مرتضی وہاب نے کہا کہ یاد رکھیئیکورونا وائرس ایک حقیقت ہے تاہم اس کا علاج صرف احتیاط ہے۔

مزید :

راولپنڈی صفحہ آخر -