تمام سرکاری اور نجی ہسپتالوں کو ایمرجنسی وارڈ اور او پی ڈی فوری کھولنے کا حکم

      تمام سرکاری اور نجی ہسپتالوں کو ایمرجنسی وارڈ اور او پی ڈی فوری کھولنے ...

  

کراچی(اسٹاف رپورٹر) سندھ ہائیکورٹ نے تمام سرکاری اور پرائیوٹ اسپتالوں کو فوری طور پر ایمرجنسی وارڈ اور اوپی ڈی کھولنے کا حکم دیدیا تاکہ کورونا کے سوا دیگر امراض میں مبتلا مریضوں کا علاج کیا جاسکے۔جسٹس محمد علی مظہر اور جسٹس یوسف علی سعید پر مشتمل دو رکنی بینچ کے روبرو دیگر امراض میں مبتلا مریضوں کا علاج نہ کرنے کیخلاف درخواست کی سماعت ہوئی۔عدالت نے دیگر امراض میں مبتلا مریضوں کا اعلاج نہ کرنے پر سرکاری اور پرائیورٹ انتظامیہ برہمی کا اظہار کیا۔جسٹس محمد علی مظہر نے کہا کیا دیگر امراض میں مبتلا مریضوں کاپہلے کرونا ٹیسٹ ضروری ہے؟ غریب طبقہ علاج کیلئے سرکاری اسپتالوں کا رخ کرتا ہے۔ اگر سرکاری اسپتالوں کی انتظامیہ کا رویہ درست نہیں ہوا تو کیسے چلے گا۔ جناح اسپتال کی سیمی جمالی کیا کررہی ہیں، کیا انہیں اسپتال نہیں چلانا۔درخواست گزار کے وکیل نے موقف دیا کہ گزشتہ روز بھی کورونا میں مبتلا ایک پولیس اہلکارعلاج نہ ہونے کی وجہ سے جاں بحق ہوگیا، تمام اسپتال دیگر امراض میں مبتلا مریضوں کو پہلے کورونا کا ٹیسٹ کروانے کا کہتے ہیں، کورونا کی رپورٹ میں تاخیر کی وجہ سے ہارٹ اٹیک کے مریض مررہے ہیں ہیں۔عدالت نے تمام سرکاری اور پرائیورٹ اسپتالوں کو فوری طور پر ایمرجنسی وارڈ اور اوپی ڈی کھولنے جبکہ دیگر امراض میں مبتلا مریضوں کا علاج نہ کرنے والے اسپتال انتظامیہ کیخلاف کارروائی کرنے کا حکم دیدیا۔

مزید :

راولپنڈی صفحہ آخر -