امارات میں مقیم پاکستانیوں نے شیخ خلیفہ بن زید النہیان کی وفات پر گہرے رنج و غم کا اظہارکیا

امارات میں مقیم پاکستانیوں نے شیخ خلیفہ بن زید النہیان کی وفات پر گہرے رنج و ...
امارات میں مقیم پاکستانیوں نے شیخ خلیفہ بن زید النہیان کی وفات پر گہرے رنج و غم کا اظہارکیا

  

دبئی (طاہر منیر طاہر) متحدہ عرب امارات میں مقیم پاکستانیوں میں متحدہ عرب امارات کے صدر شیخ خلیفہ بن زید النہیان کے افسوسناک انتقال کی خبر انتہائی دکھ کے ساتھ سنی گئی- پاکستان کی قیادت اورعوام  متحدہ عرب امارات کے صدر شیخ خلیفہ بن زید النہیان کے افسوسناک انتقال پر دکھ اور غم میں برابر کے شریک ہیں۔

پاکستانی حلقوں کی طرف سے متحدہ عرب امارات کے صدر شیخ خلیفہ بن زید النہیان کی وفات پر گہرے رنج و غم کا اظہار اور متحدہ عرب امارات کی حکومت اور عوام سے تعزیت کا اظہار کیا گیا۔ پاکستان کے عوام ایک سچے دوست سے محروم ہوگئے ہیں۔ اللہ ان کی روح کو سکون عطا فرمائے۔  شیخ خلیفہ بن زید النہیان کے انتقال سے متحدہ عرب امارات ایک بصیرت والے رہنما اور پاکستانی عوام ایک مخلص دوست سے محروم ہو گئے ہیں۔

شیخ خلیفہ نے متحدہ عرب امارات کی ترقی اور جدید کاری میں کلیدی کردار ادا کیا۔ ان کی قیادت میں متحدہ عرب امارات نے ترقی کی تاریخی منازل طے کیں ۔ تاریخ شیخ خلیفہ بن زید النہیان کو انسانی ہمدردی کے امور اور امن کے فروغ کے لیے ان کی شاندار خدمات کے لیے یاد رکھے گی۔ ان کی متحرک قیادت میں پاکستان اور متحدہ عرب امارات کے تعلقات نے نئی بلندیاں حاصل کیں۔ پاکستان کے عوام شیخ خلیفہ کو مشکل وقت میں ان کی سخاوت اور مدد کے لیے ہمیشہ یاد رکھیں گے۔ دکھ کی اس گھڑی میں ہماری نیک تمنائیں اور دعائیں النہیان خاندان اور اما راتیوں  کے ساتھ ہیں۔ اللہ ان کو یہ ناقابل تلافی نقصان برداشت کرنے کی ہمت اور ہمت عطا فرمائے۔ آمین

مزید :

تارکین پاکستان -