دکھی دل سے طلاق کا فیصلہ کیا ،تشدد کی باتیں مضحکہ خیز ہیں،ریحام خان

دکھی دل سے طلاق کا فیصلہ کیا ،تشدد کی باتیں مضحکہ خیز ہیں،ریحام خان

لندن(خصوصی رپورٹ) طلاق کے بعد برطانوی اخبار کو پہلا انٹرویو دیتے ہوئے ریحام خان نے کہا عمران خان کو زہر دینے کی بات میں کوئی سچائی نہیں۔ دکھی دل سے طلاق کا فیصلہ کیا اور عمران خان پر تشدد کی باتیں بھی مضحکہ خیز ہیں ان میں کوئی سچائی نہیں۔ ان کا مزید کہنا تھا کہ وہ پاکستان آ کر دوبارہ سے زندگی شروع کریں گی اور عورتوں کے حقوق کے لئے اپنا کام جاری رکھیں گی۔ واضح رہے طلاق کے بعد ریحام خان کا یہ پہلا انٹرویو ہے اس سے پہلے بھی انہیں برطانوی میڈیا ہاؤسز اور پبلشنگ اداروں کی جانب سے شادی کے 10 ماہ پر کتاب لکھنے، ٹی وی اور اخباری انٹرویو کے لئے لاکھوں پاؤنڈز کی پیشکش کی تھی۔ واضع رہے کہ گزشتہ ماہ 30 اکتوبر کو عمران خان اور ریحام خان کے درمیان باہمی رضامندی سے طلاق ہو گئی تھی۔ سماجی رابطے کی ویب سائٹ ٹویٹر پر دونوں نے اپنی علیحدگی کی تصدیق کر دی تھی۔

مزید : صفحہ اول