ایٹمی اثاثوں کی حفاظت مقدس ذمہ داری ہے ، راحیل شریف

ایٹمی اثاثوں کی حفاظت مقدس ذمہ داری ہے ، راحیل شریف

 راولپنڈی(خصوصی رپورٹ) آرمی چیف جنرل راحیل شریف نے پاکستان سینٹر آف ایکسی لینس فار نیوکلیئر سکیورٹی کا دورہ کیا جہاں انہوں نے ایٹمی اثاثوں کی حفاظت کے نظام پر مکمل اعتماد کا اظہار کیا۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل راحیل شریف پاکستان سینٹرآف ایکسی لنس فار نیوکلیئر سکیورٹی کا دورہ کرنے پہنچے جہاں لیفٹیننٹ جنرل مظہرجمیل نے ان کا استقبال کیا جب کہ دورے میں پاک فوج کے سربراہ نے جدید ترین سہولیات اور تربیتی سرگرمیوں کا جائزہ لیا۔ترجمان پاک فوج کے مطابق جنرل راحیل شریف نے ایس پی ڈی سکیورٹی فورسز کی پیشہ وارانہ صلاحیتوں اوران کے عزم کو سراہا جب کہ انہوں نے ایٹمی اثاثوں کی حفاظت کے نظام پر مکمل اعتماد کا اظہار کیا۔ ترجمان کے مطابق آرمی چیف کا کہنا تھا کہ پاکستان ایک ذمہ دار ایٹمی ریاست ہے اور اس نے نیوکلیئرسیکیورٹی کومزیدمستحکم کرنے کے لیے کئی اقدامات کیے جب کہ ایٹمی اثاثوں کی حفاظت مقدس ذمہ داری ہے۔

مزید : صفحہ اول