ضیااللہ آفریدی نے عمران خان کے ریفرنس کا جواب الیکشن کمیشن میں جمع کرادیا

ضیااللہ آفریدی نے عمران خان کے ریفرنس کا جواب الیکشن کمیشن میں جمع کرادیا

  IOS Dailypakistan app Android Dailypakistan app

اسلام آباد(آئی این پی)الیکشن کمیشن نے ضیااللہ آفریدی کے خلاف تحریک انصاف کے سربراہ عمران خان کے ریفرنس کی سماعت 23نومبر تک ملتوی کردی ، ضیااللہ آفریدی کے وکیل لطیف کھوسہ نے ضیا اللہ آفریدی کی جانب سے جواب الیکشن کمیشن میں جمع کرایا اورکہا کہ عائشہ گلالئی ریفرنس کے فیصلے کا انتظار کررہے تھے، آئندہ سماعت پر دلائل دیں گے۔پیر کو ضیا اللہ آفریدی کے خلاف عمران خان کے ریفرنس پر چیف الیکشن کمیشن کی سربراہی میں پانچ رکنی بینچ نے سماعت کی۔ اس دوران ضیااللہ آفریدی کے وکیل لطیف کھوسہ الیکشن کمیشن میں پیش ہوئے اور انہوں نے ضیا اللہ آفریدی کی جانب سے جواب الیکشن کمیشن میں جمع کرایا ، چیف الیکشن کمشنر سردار محمد رضا خان نے سوال کیا کہ جواب جمع کرانے میں تاخیر کیوں کی،وکیل لطیف کھوسہ نے جواب دیا کہ عائشہ گلالئی ریفرنس کے فیصلے کا انتظار کررہے تھے، آئندہ سماعت پر دلائل دیں گے، الیکشن کمیشن نے کیس کی سماعت 23نومبر تک ملتوی کردی۔
ضیااللہ آفریدی

مزید :

صفحہ آخر -