بھارتی خاتون کے پیٹ میں درد، جب ہسپتال میں ڈاکٹروں نے معائنہ کیا تو پیٹ میں ایسی چیز کی موجودگی کاانکشاف کہ اہلخانہ کے منہ بھی کھلے کے کھلے رہ گئے

بھارتی خاتون کے پیٹ میں درد، جب ہسپتال میں ڈاکٹروں نے معائنہ کیا تو پیٹ میں ...
بھارتی خاتون کے پیٹ میں درد، جب ہسپتال میں ڈاکٹروں نے معائنہ کیا تو پیٹ میں ایسی چیز کی موجودگی کاانکشاف کہ اہلخانہ کے منہ بھی کھلے کے کھلے رہ گئے

  

احمد آباد (ویب ڈیسک) بھارت میں ایک خاتون کے پیٹ سے حیرت انگیز طور پر کیلیں، نٹ، بولٹ، سیفٹی پن، بال پن سمیت دیگر لوہے اور اسٹیل سے بنی مختلف اشیاء بر آمد ہو ئی ہیں۔

بھارتی میڈیا کے مطابق احمد آباد کی رہائشی 40 سالہ ذہنی مرض میں مبتلا خاتون سنگیتا کو پیٹ کی شدید شکایت پر سول ہسپتال منتقل کیا گیا۔خاتون کا علاج کرنے والے ڈاکٹر کا کہنا ہے کہ جب خاتون کو ہسپتال لایا گیا تو اس کا پیٹ پتھر کی طرح سخت ہو رہا تھا۔ ایکسرے کرنے پر ان کے پیٹ میں ایک بڑا گچھا نظر آیا جبکہ پھیپڑوں کے آس پاس سیفٹی پن نظر آئی۔

انہوں نے کہا کہ ایک پن کی وجہ سے ان کے پیٹ کی اندرونی جلد میں سوراخ ہونے کا انکشاف ہو اتو فوری طور پر ان کا آپریشن کیا گیا۔جب ان کا پیٹ چیرا گیا تو ایک کے بعد ایک لوہےب اور اسٹیل کی اشیاء ہاتھ آنے لگیں جن میں تیز دھار کی اشیاء ،زیورات سمیت دیگر دیڑھ کلو کا سامان بر آمد ہو اہے۔

ہسپتال کے سینئر ڈاکٹروں کا کہنا ہے کہ ذہنی مریضوں میںایک ایسی حالت پائی جاتی ہے جس میں وہ تیز دھار والی اور نا قابل ہضم چیزیں کھانے لگتے ہیں۔سنگیتا کا علاج کرنے والے نفسیاتی ماہرین کا کہنا ہے کہ ہم نے خاتون کے بھائی سے بات کی ہے ، انہوں نے ان کو گھر لانے سے انکار کر دیا ، ان کا کہنا ہے کہ سنگیتا کئی بار گھر سے بھاگ چکی ہے لہذٰا علاج ہونے تک ان کا ہسپتال میں رہنا ضروری ہے۔

مزید : ڈیلی بائیٹس /بین الاقوامی