پرویز الہٰی کیلئے 11ارکان کے ساتھ پنجاب کی وزارت اعلیٰ حاصل کرنا مشکل ہوگا :عارف نظامی

پرویز الہٰی کیلئے 11ارکان کے ساتھ پنجاب کی وزارت اعلیٰ حاصل کرنا مشکل ہوگا ...
پرویز الہٰی کیلئے 11ارکان کے ساتھ پنجاب کی وزارت اعلیٰ حاصل کرنا مشکل ہوگا :عارف نظامی

  

لاہور (ڈیلی پاکستان آن لائن) سینئر صحافی عارف نظامی نے کہا ہے کہ پرویز الہٰی کیلئے 11لوگوں کے ساتھ پنجاب کی وزارت اعلیٰ حاصل کرنا مشکل ہوگا ، عمران خان نے عثمان بزدار کو وزیر اعلیٰ پنجاب بنا کر بہت بڑا رسک لیا ہے ۔

جیونیوز کے پروگرام ”آج شاہ زیب خانزادہ کے ساتھ“ میں گفتگو کرتے ہوئے عارف نظامی نے کہا کہ پر ویز الہٰی کیلئے گیارہ لوگوں کے ساتھ وزیر اعلیٰ شپ حاصل کرنا مشکل ہوگا ، البتہ عثمان بزدار کے معاملات میں مداخلت ہورہی ہے ، اس میں ایک ان کی شخصیت کا مسئلہ ہے کہ وہ بہت نارمل اور مرنجان مرنج طبیعت کے آدمی ہیں۔ دوسرے بالکل نو آموز ہیں اور ان کو یکدم قومی سیاست میں لاکر وزیر اعلیٰ بنادیا گیا ہے جبکہ پنجاب ایک بہت پیچیدہ صوبہ ہے ۔ انہوں نے کہا کہ پنجاب میں وزیر اعلیٰ وہی کامیاب ہوتاہے جو بڑھکیں لگا سکے جیسے غلام مصطفی کھر جوبھڑ ک بازی سے کام لیتے تھے اور شیر پنجاب کہلاتے تھے اور اس کے بعد شہبازشریف تھے ۔ انہوں نے کہاہے کہ عمران خان نے عثمان بزدار کو وزیر اعلیٰ پنجاب بناکر بہت بڑا رسک لیاہے ، اگر یہ کارکردگی نہ دکھا سکے تو آئندہ الیکشن میں حکومت پنجاب کی کارکردگی کوبہت زیادہ جانچا جائے گا ۔

مزید : قومی