یونائٹیڈ بزنس گروپ اتحاد اورڈسپلن کی علامت ہے،افتخار علی ملک

  یونائٹیڈ بزنس گروپ اتحاد اورڈسپلن کی علامت ہے،افتخار علی ملک

  



کراچی (این این آئی)یونائٹیڈ بزنس گروپ(یو بی جی)کے چیئرمین افتخار علی ملک نے کہا ہے کہ یونائٹیڈ بزنس گروپ اتحاد اورڈسپلن کی علامت ہے،یو بی جی سے منتخب فیڈریشن کے عہدیداران نے5 سال بے مثال کامیابی حاصل کرکے بزنس کمیونٹی کی بھرپور خدمت کی ہے اور اپنے فرائض دیانتداری سے انجام دیئے ہیں، جبکہ ہم نے یوبی جی کے ذریعہ پانچ سال میں خدمت کرنے والے امیدوار دیئے اور آئندہ سال کیلئے ڈاکٹر نعمان بٹ کی شکل میں قابل اور ایماندار امیدوار فیڈریشن کیلئے دیا ہے جو اپنا وقت بزنس کمیونٹی کو دیں گے۔انہوں نے یہ بات یو بی جی کے صدارتی امیدوار برائے ایف پی سی سی آئی الیکشن ڈاکٹر نعمان بٹ اوردیگر امیدواروں کے لاہور چیمبر آف کامرس اینڈ انڈسٹری کے دورے میں سینئرنائب صدر علی حسام قاضی اورنائب صدرمیاں زاہد جاوید سے ملاقات اورصادق پلازہ میں یو بی جی کیمپ آفس کی افتتاحی تقریب میں اسلام آباد سے ٹیلی فون پرگفتگو کے دوران کہی۔اس موقع پر سینئرتاجررہنما ریاض الدین شیخ،ایف پی سی سی آئی کے نائب صدرعبدالرؤف مختار، فیڈریشن الیکشن میں امیدوار برائے نائب صدورزاہداقبال چوہدری اورملک سہیل حسین،وقار احمدمیاں،پیرناظم حسین شاہ،رحمن عزیز چن اور دیگر بھی موجود تھے۔افتخار علی ملک نے کہا کہ میری پوری زندگی صاف ستھری تجارتی سیاست میں گزری ہے اور میں نے تمام ہی الیکشن جمہوری انداز میں جیتے ہیں کبھی ڈرائنگ روم کی سیاست نہیں اپنائی،ہم عوامی لوگ ہیں اور ہمیشہ میں نے تاجربرادری کے درمیان ہی رہنا پسند کیا۔

مزید : کامرس