ندا یاسر کا فہد مصطفی کے ساتھ خاندانی دشمنی کا انکشاف 

 لاہور( شوبز رپورٹر) معروف ٹی وی ہوسٹ و اداکارہ ندا یاسر نے اداکار و میزبان فہد مصطفی کے ساتھ خاندانی دشمنی کا انکشاف کیا ہے۔ندا یاسر نے حال ہی میں ایک پوڈ کاسٹ میں شرکت کی جس کا ایک ویڈیو سوشل میڈیا کے مختلف پلیٹ فارمز پر وائرل ہورہا ہے۔ دوران پروگرام ندا یاسر سے سوال کیا گیا کہ فہد مصطفی کبھی آپ کے مارننگ شو میں کیوں نہیں آئے کہا کہ میں کیمرے کے سامنے فہد مصطفی کے میرے شو میں نہ آنے کی وجہ نہیں بتا سکتی۔ ندا یاسر نے کچھ مزاحیہ انداز میں وجہ بتاتے ہوئے کہا کہ فہد مصطفی کے ساتھ ہماری خاندانی دشمنی ہے، اسی وجہ سے وہ میرے شو میں نہیں آتے۔ اس ویڈیو کلپ پر تبصرے کرتے ہوئے سوشل میڈیا صارفین نے دعوی کہ فہد مصطفی کے بڑے بھائی کے ساتھ ندا یاسر کی نند کی شادی ہوئی تھی جوکہ کامیاب نہ ہوسکی اور طلاق پر ختم ہوگئی۔ 

صارفین نے کہا کہ اسی وجہ سے فہد مصطفی کبھی بھی ندا یاسر کے مارننگ شو میں بطورِ مہمان نہیں آئے۔