ہفتے کے دن سرکاری ونجی سکول وکالج بند کرنے ، 2روزورک فرام ہوم کا حکم 

 لاہور (نامہ نگار خصوصی)لاہور ہائیکورٹ کے جسٹس شاہد کریم نے سموگ تدارک کے انتظامات بہتر نہ ہونے پر فوری طور ڈی جی ماحولیات کو تبدیل کرنے کا حکم دے دیا ،عدالت نے نگراں پنجاب حکومت کی کارکردگی پر بھی خفگی کا اظہا رکرتے ہوئے ہفتے کے روز سرکاری و نجی سکول وکالج بند کرنے کا حکم دے دیاعدالت نے نگران پنجاب حکومت کوڈپٹی کمشنر شیخو پورہ، گوجرانوالہ اور حافظ آباد کا تبادلہ کرنیکا حکم دیدیا،عدالت نے کہا کہ ان افسران کو توہین عدالت کے نوٹسز بھی جاری کر رہا ہوں، عدالت نے ریمارکس دیئے کہ کمشنر لاہور یہاں آکر باتیں کرتے ہیں مگر کارکردگی کچھ نہیں ہے،کیا حکومت کے پاس سموگ تدارک کیلئے صرف یہی حل ہے کہ پورے پنجاب میں چھٹیاں کردیں، حالات خراب ہورہے ہیں مختلف علاقوں سے ویڈیوز آرہی ہیں عالت نے مزید ہدایت کی کہ ہفتے میں دو روز ورک فارم ہوم کی پالیسی پر عمل کرائیں،لاہور کے دل میں ٹائر جلا کر برا حال کیا گیا ہے،عدالت نے برہمی کا اظہار کرتے ہوئے ریمارکس دیئے آپ نے چھٹی دی تو اب خود چھٹی پر چلیں جائیں گھروں میں بیٹھ کر انجوائے کریں ،وکیل نے عدالت کو آگاہ کیا کہ پانچ تھانوں کی حدود سے لاکھوں ٹن ٹائر برآمد ہوئے ہیں،عدالت نے ہدایت کی کہ سائیکلنگ اور پبلک ٹرانسپورٹ کو فروغ دیں وکیل نے کہا کہ ہم نے صرف 70 روز میں انڈرس پاس تعمیر کرایا ہے جس پر عدالت نے ریمارکس دیئے کہ اس پر آپکو ستارہ امتیاز ملنا چاہیے ،اس تعمیر کے بعد جو سموگ آئے گی وہ پوری سردیاں ہم بھگتیں گے عدالت نے ہدایت کی کہ چیف سیکرٹری پنجاب کے ساتھ ممبر جوڈیشل واٹر کمیشن کی میٹنگ کروائی جائے اور دفاتر میں ہفتے میں دو روز ورک فروم ہوم کی پالیسی پر عمل کیا جائے،مزید سماعت 15 نومبر کو ہو گی۔

لاہور ہائیکورٹ