پیف پارٹنرز ،پنجاب حکومت کا ہونہار ،مستحق طلباءکےلئے سکالر شپس کا اعلان، 31جنوری تک درخواستیں طلب، سپیشل، اقلیتی بچے بھی اہل
ملتان ( سٹاف رپورٹر)پنجاب حکومت نے ہونہار و مستحق طلبا کیلئے سکالر شپ کا اعلان کردیا۔ تفصیل کے مطابق پنجاب(بقیہ نمبر35صفحہ6پر )
حکومت نے پیف کے سکالر شپ کا اعلان کردیا جس میں میٹرک اور انٹرمیڈیٹ کا امتحان 2023 میں 60 فیصد نمبر کے ساتھ پاس کرنے والے امیدوار اپلائی کرسکیں گے۔ آن لائن درخواست پنجاب ایجوکیشن اینڈونمنٹ فنڈ میں جمع کروائی جاسکیں گی۔ یتیم طلباوطالبات سکالر شپ کیلئے اپلائی کرسکیں گے۔ 60 ہزار سے کم تنخواہ والے گریڈ 1 سے 4 تک کے سرکاری ملازمین کے بچے اہل ہوں گے۔ اقلیتی مذاہب سے تعلق رکھنے والے طلباوطالبات اپلائی کرسکیں گے۔ خصوصی طلباوطالبات بھی سکالرشپ کیلئے اپلائی کرسکیں گے۔ محکمہ انسانی حقوق و اقلیتی امور کے تحت ہونہار اقلیتی طلبا کو سکالر شپ دیئے جائیں گے۔ دہشت گردی میں شہید ہونے والے سویلین کے بچے بھی اہل ہوں گے۔ درخواست 31 جنوری تک پیف کو آن لائن جمع کروائی جاسکیں گی۔
