بابر اعظم نے پاکستان کی جانب سے سب سے زیادہ ون ڈے سنچریاں بنانے کا سعید انور کا ریکارڈ برابر کردیا

لاہور(ڈیلی پاکستان آن لائن)پاکستان کے سٹار بیٹر بابر اعظم نے پاکستان کے جانب سے سب سے زیادہ ون ڈے سنچریوں کا ریکارڈ برابر کردیا۔

سری لنکا کے خلاف کھیلے جانے والے دوسرے ون ڈے میں سنچری سکور کرکے بابر اعظم نے سعید انور کا قومی ریکارڈ برابر کیا، سعید انور نے 244  اننگز میں پاکستان کے لیے 20 ون ڈے انٹرنیشنل سنچریاں سکور کی تھیں۔

بابر اعظم نے 136 ویں اننگز میں اپنے ون ڈے کیرئیر کی 20 ویں ون ڈے نٹرنیشنل سنچری سکور کی، بابر اعظم کم سے کم اننگز میں 20 سنچریاں مکمل کرنے والے تیسرے کھلاڑی ہیں۔اس سے قبل جنوبی افریقا کے ہاشم آملہ نے 108 اور بھارت کے ویرات کوہلی نے 133 اننگز میں 20 ویں سنچری سکور کی تھی۔خیال رہے کہ بابر اعظم نے 2 سال 2 ماہ اور 15 دن بعد انٹرنیشنل سنچری سکور کی ہے۔