واٹس ایپ پر پولیس کیخلاف شکایات، 1022 پیغامات موصول
کراچی(اسٹاف رپورٹر)کراچی پولیس چیف کی جانب سے واٹس ایپ پر پولیس کے خلاف شکایات کی سروس کے دو ماہ کے دوران1022 پیغامات موصول ہوئے جن میں سے 576 پیغامات میں کراچی پولیس چیف کے اقدامات کی تعریفیں کی گئی ہیں۔پولیس ترجمان عادل رشید کے مطابق ڈاکٹر امیرشیخ کی جانب سے شکایات کے فوری ازالے کیلئے واٹس ایپ سروس 13 اگست کو شروع کی گئی تھی، جس کے دو ماہ کے دوران واٹس ایپ نمبر پر کل 1022 پیغامات موصول ہوئے جن پر ایکشن لیتے ہوئے 28 مقدمات درج کئے گئے۔ترجمان کے مطابق عوامی شکایت پر4پولیس ملازمین کو معطل جبکہ 2 کا تبادلہ کیا گیا۔پولیس ترجمان کے مطابق واٹس ایپ پر کی گئی 22 شکایات جھوٹی نکلیں اور دیگر رپورٹس پر تحقیقات جاری ہیں۔ 15پولیس ملزمان کو اظہار وجوہ کے نوٹس جاری کئے گئے اور 6 ملزمان کو کواٹر گارڈ کی سزا دی گئی۔ 138تجاویز دی گئیں جبکہ 119 شکایات کرائم سے متعلق کی گئیں۔
