اسلام آباد، اے ایس ایف نے عقاب سمگل کرنے کی کوشش ناکام بناتے ہوئے ملزم گرفتار کر لیا 

اسلام آباد (صباح نیوز) ایئر پورٹ سکیورٹی فورس (اے ایس ایف) نے نیو اسلام آباد ایئرپورٹ پر کارروائی کرتے ہوئے عقاب سمگل کرنے کی کوشش کو ناکام بنا دیا۔
تفصیلات کے مطابق اے ایس ایف حکام کاکہنا ہے کہ ملزم عباس فادل نیو اسلام آباد ایئرپورٹ سے پرواز ای وائی 232 کے ذریعے ابوظہبی جا رہا تھا۔ دوران تلاشی ملزم کے سامان سے7 نایاب نسل کے عقاب برآمد ہوئے جنہیں ملزم غیر قانونی طریقے سے ابوظہبی لے جانا چاہتا تھا۔اے ایس ایف نے ملزم عباس فادل کو حراست میں لے کرکسٹم حکام کے حوالے کر دیا۔عقاب عام طور پر تلور کے شکار کے لیے استعمال ہوتے ہیں جبکہ ایک عقاب تقریبا ایک کروڑ روپے میں فروخت ہوتا ہے۔ عقاب پاکستان کا مقامی پرندہ نہیں بلکہ یہ ہجرت کر کے پاکستان آتا ہے۔