ناصر خان جان کا اعلیٰ تعلیم یافتہ لڑکی سے شادی کرنے کا اعلان
لاہور (ویب ڈیسک) پاکستان کے سوشل میڈیا اسٹار ناصر خان جان نے شادی کرنے کا فیصلہ کرلیا، سوشل میڈیا سٹار کا نکاح آئندہ ہفتے ہوگا۔ناصر خان جان نے اپنے چاہنے والوں کو منگنی اور پھر نکاح کی خوشخبری ایک سوشل میڈیا پیغام کے ذریعے دی، انہوں نے اپنے ٹوئٹ میں لکھا کہ ’آخر کار میری منگنی ہوگئی‘۔
اپنے پیغام میں ناصر خان جان کا کہنا تھا کہ ’میری لائف پارٹنر بہت اچھی اوراعلیٰ تعلیم یافتہ ہے، ہمارا نکاح آئندہ ہفتے ہوگا۔‘
Finally I’m engaged. Alhamdulilah
— Nasir Khan Jan (@NKJModel) October 13, 2020
My life partner is very nice and well educated. Nikah will be next week. I invited to all of my fans and all media channels. Welcome
سوشل میڈیا پر موجود لاکھوں چاہنے والوں کو بھی انہوں نے اپنے نکاح میں مدعو کیا۔
ناصر خان جان نے لکھا کہ میں اس تقریب میں تمام پرستاروں اورمیڈیا چینلز کا خیر مقدم کرتا ہوں۔
Thanks Guddi https://t.co/eybNESGKmH
— Nasir Khan Jan (@NKJModel) October 13, 2020
اپنے پسندیدہ سٹار کی جانب سے یہ خوشخبری سن کر مداحوں کی جانب سے مبارکباد کے پیغامات دینے والوں کا تانتا بندھ گیا۔
واضح رہے کہ مزاحیہ ویڈیوز اور مداحوں کو اپنے مخصوص اور منفرد انداز میں سالگرہ کی مبارکباد دینے کی وجہ سے ناصر خان جان کا شمار پاکستان کے سوشل میڈیا اسٹارز میں ہوتا ہے۔
یہاں یہ بات بھی قابلِ ذکر ہے کہ دوسروں کی زندگی میں رنگ بھرنے والے ناصر خان جان سوشل میڈیا سیلیبریٹی سے زیادہ ایک مذاق تصور کیے جاتے ہیں۔
ان کی ہر ویڈیو اور پوسٹ کے جواب میں لوگ انہیں برا بھلا کہتے ہیں،کچھ کمنٹس میں تو انہیں مرنے کا مشورہ دیا جاتا ہے اور متنازع بنادیا جاتا ہے۔