دبئی پلٹ نوجوان اپنی بارات سے ایک دن پہلے وفات پاگیا

کوٹلی (آئی این پی) کھوئی رٹہ بھروٹ گالہ کا نوجوان اپنی رسم حنا کے دن اللہ کو پیارا ہو گیا، شادی والا گھر ماتم میں تبدیل علاقہ سوگ میں ڈوب گیا، ہر آنکھ اشکبار ۔

تفصیلات کے مطابق کھوئی رٹہ بھروٹ گالہ کا رہائشی ساجد جو چند روز قبل دبئی سے وطن واپس شادی کے لیے گھر آیا ، ساجد کی فیملی اس کی شادی کی تیاریوں میں مصروف تھی کیا معلوم تھا کہ بہنیں جس بھائی کو دولہا بنانے کے لیے بے تاب ہیں دولہا بننے سے پہلے ہی اللہ کو پیارا ہو جائے گا ۔

رسم حنا کے دن ساجد کی طبعیت اچانک خراب ہو گئی جسے فوری قریبی ہسپتال لا یا گیا جہاں وہ خالق حقیقی سے جا ، ملا نوجوان کی موت کی خبر پر علاقہ سوگ میں ڈوب گیا ، شادی والا گھر ماتم میں تبدیل ، ہر آنکھ اشکبار تھی ، مرحوم کو سوگواران کی موجودگی میں سپرد خاک کر دیا گیا۔