اِس غم کو اختیار نہیں کر رہا ہوں میں|مقصود وفا |
اِس غم کو اختیار نہیں کر رہا ہوں میں
یہ تو نہیں کہ پیار نہیں کر رہا ہوں میں
کچھ دیر سے ہے رنگِ تماشا رُکا ہوا
اک تیر دل سے پار نہیں کر رہا ہوں میں
میں آپ اپنا درد جگاتا ہوں رات بھر
کُچھ تم پہ انحصار نہیں کر رہا ہوں میں
ہے دشت یہ بھی حدِ تصور میں اس لئے
اس دشت کو بھی پار نہیں کر رہا ہوں میں
کیا راز ہے کہ جس کو بتانے سے پیشتر
اپنا بھی اعتبار نہیں کر رہا ہوں میں
یوں تو رہے ہو تم بھی صفِ دشمناں میں دوست
لیکن تمہیں شمار نہیں کر رہا ہوں میں
شاعر: مقصود وفا
(مقصود وفا کی وال سے)
Iss Gham Ko Ikhityaar Nahen Kar Raha Hun Main
Yeh To Nahen K Payaar Nahen Kar Raha Hun Main
Kuchh Der Say Hay Rang-e-Tamaasha Ruka Hua
Ik Teer Dil Say Paar Nahen Kar Raha Hun Main
Main Aap Apna Dard Jagaata Hun Raat Bhar
Kuchh Tum Pe Inhasaar Nahen Kar Raha Hun Main
Hay Dasht Yeh Bhi Had-e-Tasawaar Men Iss Liay
Iss Dasht Ko Bhi Paar Nahen Kar Raha Hun Main
Kaya Raaz Hay Keh Jiss Ko Bataanay Say Paishtar
Apna Bhi Aitabaar Nahen Kar Raha Hun Main
Yun To Rahay Ho Tum Bhi Saf-e-Dushmanaan Men Dost
Lekin Tumhen Shumaar Nahen Kar Raha Hun Main
Poet: Maqsood Wafa