کاروباری افراد کیلئے خوشخبری،پنجاب حکومت   نے”ای بز (Ebiz)“پورٹل کا آغاز کر دیا

لاہور ( ڈیلی پاکستان آن لائن )وزیر اعلیٰ مریم نواز نے سماجی رابطہ کی سائٹ ’’ایکس‘‘ پر کاروباری افراد کیلئے خوشخبری کا پیغام دیا ہے۔

وزیراعلیٰ مریم نواز  نے کہاکہ حکومت پنجاب نے”ای بز (Ebiz)“پورٹل کا آغاز کر دیاہے-”ای بز (Ebiz)“ صوبے میں کاروباری سہولت اور آسانیوں کے فروغ کی جانب ایک انقلابی قدم ہے۔”ای بز (Ebiz)“ پلیٹ فارم سرمایہ کاروں کو اجازت نامے، لائسنس، رجسٹریشن اور لینڈ یوز کنورژن کی مکمل آن لائن سہولت فراہم کرتا ہے۔کاروباری افراد دفاتر یا گھروں کے آرام دہ ماحول میں بیٹھے بغیر کسی سرخ فیتے،تاخیر یا جھنجھٹ کے ای بز کی سہولتیں حاصل کر سکتے ہیں -”ای بز (Ebiz)“ مزید شفاف،مؤثر اور کاروبار دوست پنجاب کی تعمیر میں ایک اہم پیش رفت ہے۔