کُرم میں افغان طالبان و فتنہ الخوارج کی بلا اشتعال فائرنگ، پاک فوج کا بھرپور جواب، طالبان پوسٹیں چھوڑ کر فرار

اسلام آباد (سٹاف رپورٹر)خیبرپختونخوا کے ضلع کرم میں افغان طالبان اور فتنہ الخوارج نے بلا اشتعال فائرنگ کی جبکہ پاک فوج کے بھرپور جواب پر اپنی پوسٹ اور لاشیں چھوڑ کر فرار ہوگئے اور طالبان کا ایک ٹینک بھی تباہ ہو گیا۔

سیکیورٹی ذرائع نے بتایا کہ پاک فوج کی فائرنگ کی وجہ سے طالبان پوسٹوں کا شدید نقصان ہوا اور افغان طالبان کی پوسٹوں پر آگ بھڑک اٹھی۔ پاک فوج کی جوابی کارروائی کے نتیجے میں طالبان کا ٹینک بھی تباہ ہوا اور پوسٹیں چھوڑ کر فرار ہوگئے۔سکیورٹی ذرائع نے بتایا کہ طالبان اپنی متعدد لاشیں بھی تباہ شدہ پوسٹ پر چھوڑ کر فرار ہوگئے۔