نائجیرین باشندے کی ائیرپورٹ آمد، تلاشی کے دوران سامان سے ایسی چیز نکل آئی کہ ہنگامہ برپا ہو گیا، اسلحہ نہیں تھا بلکہ۔۔۔
فیصل آباد(ڈیلی پاکستان آن لائن) ایئرپورٹ سیکیورٹی فورس کے اہلکاروں نے غیر ملکی ایئر لائن کی قطر جانے والی پرواز کے مسافر کے سامان سے 11 کلو گرام ہیروئن برآمد کرلی۔
تفصیلات کے مطابق فیصل آباد انٹر نیشنل ایئرپورٹ پر تعینات اے ایس ایف اہلکاروں نے غیر ملکی ایئر لائن کی قطر کے شہر دوحا جانے والی پرواز کے ایک غیر ملکی مسافر کے سامان سے بھاری مقدار میں ہیروئن برآمد کرلی، ہیروئن سمگلنگ کی کوشش کو ہولڈ مشینوں کی مدد سے ناکام بنایا گیا۔ مسافر کو گرفتار کرکے اس کےخلاف مقدمہ درج کرلیا گیا ہے۔
ایئرپورٹ حکام کے مطابق گرفتار کئے گئے غیر ملکی کا تعلق نائیجیریا سے ہے، جس کا نام ایموگ ہے اور اس نے 11 کلو گرام ہیروئن فیس واش کی بوتلوں اور کریم جار میں چھپا رکھی تھی۔ پکڑی گئی ہیروئن مالیت بین الاقوامی مارکیٹ میں کروڑوں روپے ہے۔