آرمی چیف سے ایسے ملک کی اہم ترین شخصیت نے ملاقات کر لی کہ امریکہ کے ہوش اڑ جائیں گے

راولپنڈی(ڈیلی پاکستان آن لائن)آرمی چیف جنرل قمر جاوید باجوہ سے ترک وزیر خارجہ نے ملاقات کی جس میں دوطرفہ تعلقات اور خطے کی سکیورٹی صورتحال پر تبادلہ خیال کیاگیا۔
پاک فوج کے تعلقات عامہ کے شعبے (آئی ایس پی آر)کے مطابق آرمی چیف جنرل قمر جاوید باجوہ سے ترک وزیر خارجہ نے جی ایچ کیو میں ملاقات کی ،جس میں دوطرفہ تعلقات اورخطے کی سیکیورٹی صورتحال پر بات چیت ہوئی ۔
آئی ایس پی آر کے مطابق ترک وزیر خارجہ نے خطے میں امن کیلئے پاکستان کی کوششوں کو سراہا،ملاقات میں خطے کی سکیورٹی بالخصوص مشرق وسطی کی صورتحال پر گفتگوہوئی اوردونوں ممالک میں سکیورٹی تعاون کے فروغ پر بھی بات چیت ہوئی،آئی ایس پی آر کا کہناتھا کہ ترک وزیر خارجہ نے مل کر کام کرنے پر پاکستان کو سراہا۔