عمران خان کی حکومت ، بیرون ملک سے پاکستانیوں نے پیسے زیادہ بھیجنا شروع کردیئے ہیں یا کمی آئی؟ سٹیٹ بینک نے اعلان کردیا

عمران خان کی حکومت ، بیرون ملک سے پاکستانیوں نے پیسے زیادہ بھیجنا شروع ...
عمران خان کی حکومت ، بیرون ملک سے پاکستانیوں نے پیسے زیادہ بھیجنا شروع کردیئے ہیں یا کمی آئی؟ سٹیٹ بینک نے اعلان کردیا

  


کراچی(ویب ڈیسک)سٹیٹ بینک کا کہنا ہے کہ گزشتہ ماہ بیرون ملک مقیم پاکستانیوں کی جانب سے بھیجی جانے والی رقوم میں کمی واقع ہوئی ہے۔سٹیٹ بینک کی جانب سے جاری اعداد و شمار کے مطابق بیرون ملک مقیم پاکستانیوں کی جانب سے جولائی اور اگست میں بھیجی جانے والی رقوم میں کمی آئی ہے۔اعداد و شمار میں بتایا گیا ہے کہ اگست 2019ء میں ترسیلات کی مالیت ایک ارب 69 کروڑ ڈالر رہی جب کہ جولائی میں 2 ارب 4 کروڑ ڈالر کی رقوم موصول ہوئی تھیں، جولائی کے مقابلے میں اگست کی ترسیلات 34 کروڑ 84 لاکھ ڈالر کم رہیں۔سٹیٹ بینک کے مطابق رواں برس جولائی اگست کے دوران ترسیلات کی مالیت 3 ارب 37 کروڑ ڈالر رہی جب کہ گزشتہ سال جولائی اگست میں 4 ارب 7 کروڑ ڈالر موصول ہوئے تھے۔

مزید : بزنس /علاقائی /سندھ /کراچی


loading...