میں تو کہیں نہیں تھا مگر تو کہاں گیا | اکبر معصوم |
سن! ہجر اور وصال کا جادو کہاں گیا
میں تو کہیں نہیں تھا مگر تو کہاں گیا
جب خیمۂ خیال میں تصویر ہے وہی
وہ دشت نا مراد وہ آہو کہاں گیا
بستر پہ گر رہی ہے سیہ آسماں سے راکھ
وہ چاندنی کہاں ہے وہ مہ رو کہاں گیا
جس کے بغیر جی نہیں سکتے تھے جا چکا
پر دل سے درد آنکھ سے آنسو کہاں گیا
پھر خاک اڑ رہی ہے مکان وجود میں
اے جان بے قرار وہ دل جو کہاں گی
اٹھی تھی دل میں یاد سی معصوم کیا ہوئی
چمکا تھا جو خیال میں جگنو کہاں گیا
شاعر: اکبر معصوم
(شعری مجموعہ:بے ساختہ، سال اشاعت، 2018)
Sun , Hijr Aor Visaal Ka Jaadu Kahan Gaya
Main To Kahen Nahen Tha Magar Tu Kahan Gaya
Jab Khaima -e-Khayaal Men Tasveer Hay Bani
Wo Dasht - e- Muraad , Wo Aahoo Kahan Gaya
Bistar Pe Gir Rahi Hay Siah Aasmaan Say Raakh
Wo Chaandni Kahan Hay , Wo Mah Roo Kahan Gaya
Jiss K Baghir Ji Nahen Saktay Thay , Ja Chuka
Par Dil Say Dard , Aankh Say Aansoo Kahan Gaya
Phir Khaak Urr Rahi Hay Makaan -e- Wajood Men
Ay Jaan -e- Beqaraar , Wo Dil Joo Kahan Gaya
Uthi Thi Dil Men Yaad Si MASOOM Kaya Hui
Chamka Tha Jo Khayaal Men Jugnu Kahan Gaya
Poet:Akbar Masoom