دل کو گلزار کی مٹی سے بنایا ہوتا | اکبر معصوم |
دل کو گلزار کی مٹی سے بنایا ہوتا
یا سگِ یار کی مٹی سے بنایا ہوتا
اتنا مشکل تو نہ ہوتا مرا جینا کہ مجھے
یوں نہ انکار کی مٹی سے بنایا ہوتا
کوزہ گر، کوزۂ درویش بنانا تھا اگر
مجھ گہنگار کی مٹی سے بنایا ہوتا
کاش تو نے کوئی ساتھی مری تنہائی کا
مرے آثار کی مٹی سے بنایا ہوتا
ایک مدت سے یہ بے کار پڑی ہے معصوم
کچھ دلِ زار کی مٹی سے بنایا ہوتا
شاعر:اکبر معصوم
(شعری مجموعہ:بے ساختہ، سال اشاعت، 2018)
Dil Ko Gulzaar Ki Matti Say Banaaya Hota
Ya Sag -e- Yaar Ki Matti Say Banaaya Hota
Itna Mushkill To Na Hota Mira Jeena Keh Mujhay
Yun Na Inkaar Ki Matti Say Banaaya Hota
Kooza Gar! Kaasa -e- Durvesh Banaana Tha Agar
Mujh Gunehgaar Ki Matti Say Banaaya Hota
Kaash Tu Nay Koi Saathi Miri Tanhaai Ka
Meray Asaar Ki Matti Say Banaaya Hota
Aik Muddat Say Yeh Bekaar Parri Hay MASOOM
Kuch Dil -e- Zaar Ki Matti Say Banaaya Hota
Poet: Akbar Masoom