یہ گردِ بادِ تمنا میں گھومتے ہوئے دن | امجد اسلام امجد|
یہ گردِ بادِ تمنا میں گھومتے ہوئے دن
کہاں پہ جا کے رکیں گے یہ بھاگتے ہوئے دن
غروب ہوتے گئے رات کے اندھیروں میں
نوید امن کے سورج کو ڈھونڈتے ہوئے دن
نہ جانے کون خلا کے یہ استعارے ہیں
تمہارے ہجر کی گلیوں میں گونجتے ہوئے دن
نہ آپ چلتے،نہ دیتے ہیں راستہ ہم کو
تھکی تھکی سی یہ شامیں یہ اونگھتے ہوئے دن
پھر آج کیسے کٹے گی پہاڑ جیسی رات
گزر گیا ہے یہی بات سوچتے ہوئے دن
تمام عمر مرے ساتھ ساتھ چلتے رہے
تمہیں کو ڈھونڈتے تم کو پکارتے ہوئے دن
ہر ایک رات جو تعمیر پھر سے ہوتی ہے
کٹے گا پھر وہی دیوار چاٹتے ہوئے دن
مرے قریب سے گزرے ہیں بارہا امجدؔ
کسی کے وصل کے وعدے کو دیکھتے ہوئے دن
شاعر: امجد اسلام امجد
(شعری مجموعہ:پسِ گفتگو )
Yeh Gard -e-Baad -e-Tamanna Men Ghoomtay Huay Din
Kahan Pe Ja K Ruken Gay Yeh Bhaagtay Huay Din
Gharoob Hotay Gaey Raat K Andhairon Men
Naveed -e-Amn K Sooraj Ko Dhoodtay Huay Din
Najaanay Kon Khalaa K Yeh Istaaray Hen
Tumhaaray Hijr Ki Galion Men Goonjatay Huay Din
Na Aap Chaltay , Na Detay Hen Raasta Ham Ko
Thaki Thaki Si Yeh Shaamen Yeh Oonghtay Huay Din
Phir Aaj Kaisay Kattay Gi Pahaarr Jaisi Raat
Guzar Gaya Hay Yahi Baat Sochtay Huay Din
Tamaam Umr Miray Saath Saath Chaltay Rahay
Tumhi Ko Dhoondtay Tumhi Ko Pukaartay Huay Din
Har Aik Raat Jo Tameer Phir Say Hoti Hay
Katay Ga Phir Wahi Dewaar Chaattay Huay Din
Miray Qareeb Say Guzray Hen Baarha AMJAD
Kisi K Wasl K Waaday Ko Dekhtay Huay Din
Poet: Amjad Islam Amjad