آرمینیا اور آذربائیجان کے درمیان پھر سے جنگ چھڑگئی، درجنوں افراد ہلاک

آرمینیا اور آذربائیجان کے درمیان پھر سے جنگ چھڑگئی، درجنوں افراد ہلاک
آرمینیا اور آذربائیجان کے درمیان پھر سے جنگ چھڑگئی، درجنوں افراد ہلاک

  

باکو(ڈیلی پاکستان آن لائن)آرمینیا اور آذربائیجان کے درمیان متنازع علاقہ "نگور نوکاراباخ "پھر سے جنگ کا میدان بن گیا ہے ، 

دنوں طرف سے گولہ باری کا سلسلہ جاری ہے جس سے  درجنوں افراد ہلاک ہو چکےہیں ۔

عالمی خبر رساں ادارے کے مطابق نگورنو کاراباخ میں آذربائیجان اور آرمینیا کی فوجوں کے درمیان گھمسان کی جھڑپ جاری ہے۔ یہ 2020 کے سیز فائر اور آرمینیا کے پسپا ہونے کے بعد کی سب سے بڑائی لڑائی ہے،آرمینیا کی وزارت دفاع کی جانب سے جاری بیان میں الزام عائد کیا گیا ہے کہ آذربائیجان نے توپ خانے اور آتشیں اسلحے کے ساتھ نگورنو کاراباخ پر حملے کیے۔ علاوہ ازیں گورس، سوٹک اور جرموک کے شہروں پر بھی آرمینیا کے فوجی ٹھکانوں پر گولہ باری کی۔

دوسری جانب آذربائیجان نے آرمینیائی افواج پر سرحدی اضلاع دشکیسان، کیلبازار اور لاشین کے قریب بڑی تعداد میں بارودی سرنگیں بچھانے اور ہتھیار جمع کر کے بڑے پیمانے پر تخریبی کارروائیاں کرنے کا الزام عائد کیا ہے۔

ہلاکتوں کے حوالے سے بھی متضاد خبریں سامنے آ رہی ہیں۔ آرمینیا کے 40 سے زائد فوجیوں کی ہلاکتوں کی اطلاع ہے جب کہ آذربائیجان کے بھی 10 سے زائد فوجی مارے گئے۔

واضح رہے کہ اکتوبر 2020 میں ایک ماہ کی جنگ میں 300 سے زائد ہلاکتوں کے بعد روس کی ثالثی میں آرمینیا اور آذربائیجان کے درمیان سیز فائر ہوگیا تھا اور اکثر علاقوں سے آرمینیا نے فوجیں ہٹالی تھیں۔

مزید :

بین الاقوامی -