دین اسلام پوری دنیا کے لئے امن و سلامتی کا مظہرہے،صوفی مسعود صدیقی
لاہور(خبر نگار خصوصی)تنظیم مشائخ عظام پاکستان کے امیر اور چیئرمین بین المذاہب امن اتحاد پاکستان قائدروحانی انقلاب صوفی مسعوداحمد صدیقی نے کہاہے کہ دین اسلام پوری عالم انسانیت کیلئے امن و سلامتی کا مظہر ہے۔
،دین اسلام کی دولت سے مالامال ہر مسلمان تمام مخلوقات سے امن و محبت سے پیش آنے اور امن و سلامتی والا بن جاتا ہے ان خیالات کا اظہا رانہوں مرکزی سیکرٹریٹ پر منعقدہ ہفتہ وار تربیتی نشست سے خطاب کرتے ہوئے کیا ان کا کہنا تھاکہ موجودہ دور جہاں افراتفری کا دور دورہ ہے وہاں پر اپنے لئے اور تمام انسانیت کیلئے امن و محبت کے قیام اور بھلائی کے خواہاں تمام افراد کو نبی آخرالزماں حضور نبی کریم ﷺ کی تعلیمات سے عملی طور پر استفادہ حاصل کرنا ہو گا ، انہوں نے مزید کہاکہ اللہ رب العزت زمین پر فساد کرنیوالے کو پسند نہیں فرماتا ۔