سکھر میں بجلی نہ ہونے سے بچہ جاں بحق ہوا ہے،غلام قادر چانڈیو
کراچی ( اسٹاف رپورٹر ) پیپلز پارٹی کے رکن سندھ اسمبلی غلام قادر چانڈیو نے مطالبہ کیا ہے کہ سکھر شہر میں بجلی نہ ہونے کی وجہ سے تین سالہ بچہ جاں بحق ہوا ہے ۔ اس کی ایف آئی آر وزیر مملکت پانی و بجلی عابد شیر علی کے خلاف درج کی جائے ۔ یہ مطالبہ انہوں نے جمعہ کو سندھ اسمبلی کے اجلاس کے دوران نکتہ اعتراض پر کیا اور کہا کہ سکھر شہر میں بجلی مسلسل بند رہی ، جس کی وجہ سے ایک تین الہ بچہ جاں بحق ہوا اور یہ وفاقی حکومت کی نااہلی ہے ۔ جس پر اسپیکر نے انہیں ہدایت کی کہ وہ اس موضوع پر تھانے سے رجوع کریں ۔