سعودی وزیر خارجہ شہزادہ فیصل بن فرحان 2روزہ دورے پر اسلام آباد پہنچ گئے, وزیر خارجہ اسحاق ڈار اور دیگر اعلیٰ حکام نے استقبال کیا

سعودی وزیر خارجہ شہزادہ فیصل بن فرحان 2روزہ دورے پر اسلام آباد پہنچ گئے, وزیر ...
سعودی وزیر خارجہ شہزادہ فیصل بن فرحان 2روزہ دورے پر اسلام آباد پہنچ گئے, وزیر خارجہ اسحاق ڈار اور دیگر اعلیٰ حکام نے استقبال کیا

  IOS Dailypakistan app Android Dailypakistan app

اسلام آباد (ڈیلی پاکستان آن لائن) سعودی عرب کے وزیر خارجہ شہزادہ فیصل بن فرحان دو روزہ دورے پر اسلام آباد پہنچ گئے ہیں۔ نور خان ایئر بیس چکلالہ پہنچنے پر وزیر خارجہ اسحاق ڈار اور دیگر اعلیٰ حکام نے ان کا استقبال کیا۔
سعودی وفد سرمایہ کاری کے اگلے مراحل اور عمل درآمد کے امور پر مشاورت کرے گا۔ زراعت، تجارت، توانائی، معدنیات، آئی ٹی، ٹرانسپورٹ سمیت دیگر شعبوں میں سعودی عرب پاکستان میں سرمایہ کاری میں دلچسپی رکھتا ہے، ریکوڈیک منصوبے میں سعودی سرمایہ کاری کے حوالے سے امور زیرغور آئیں گے۔ اس دورے کے نتیجے میں پاکستان کی برآمدی صلاحیت میں اضافہ ہوگا، مشترکہ منصوبوں کے آغاز اور نئے امکانات کی راہیں ہموار ہوں گی
سعودی عرب کے اعلیٰ سطح کے وفد کی آمد نہ صرف ایس آئی ایف سی کے مقاصد کے حصول کو آگے بڑھائیں گے بلکہ پاکستان کی پہلے سے بہتر ہوتی معاشی صورتحال میں مزید تیزی اور اعتماد لانے کا بھی باعث بنیں گے۔

مزید :

قومی -اہم خبریں -