آئی پی ایل  میں کھلاڑی کے چھکے نے مداح کا سر پھاڑ دیا 

  ممبئی (آئی این پی )انڈین پریمئیر لیگ (آئی پی ایل)2025 کے دلچسپ مقابلوں میں  لکھن سپر جائنٹس اور سن رائزرز حیدرآباد نے شاندار کارکردگی کا مظاہرہ کیا  جہاں ایک جانب ابھیشیک شرما نے سن رائزرز کی طرف سے 141 رنز کی دھواں دار اننگز کھیل کر ریکارڈ قائم کیا، وہیں لکھن کے نکولس پوران نے بھی شائقین کو اپنے چھکوں سے محظوظ کیا  یہاں تک کہ ایک مداح زخمی بھی ہوگیا۔

لکھن کے ایکنا اسٹیڈیم میں کھیلے گئے میچ میں نکولس پوران نے صرف 34 گیندوں پر 61 رنز کی برق رفتار اننگز کھیلی، جس میں سات بلند و بالا چھکے شامل تھے۔ انہی میں سے ایک چھکا اسٹینڈ میں بیٹھے ایک مداح کے سر پر لگا، جس سے اسے چوٹ آئی اور خون بہنے لگا۔

مداح کو فوری طور پر اسپتال منتقل کیا گیا۔ خوش قسمتی سے ابتدائی علاج کے بعد وہ دوبارہ اسٹیڈیم واپس آیا اور لکھن کی جیت کا بھرپور جشن منایا۔