ایل ڈی اے کا کریک ڈاؤن،102غیر قانونی املاک سیل

لاہور (اپنے نمائندے سے) ڈی جی ایل ڈی اے طاہر فاروق کی ہدایت پر ایل ڈی اے ٹاؤن پلاننگ ونگ غیرقانونی کمرشل عمارتوں، کمرشل فیس نادہندگان املاک کے خلاف متحرک ہے۔ ایل ڈی اے ٹیموں نے گزشتہ روزمختلف سکیموں اور ایل ڈی اے کنٹرولڈ ایریا میں  آپریشن کر کے102املاک سربمہر کر دیں۔ ٹیموں نے گلبرگ، فیصل ٹاؤن، شادمان، شاد باغ، نیو مسلم ٹاؤن، وحدت روڈ، سبزہ زار میں کارروائیاں کیں۔ایل ڈی اے ٹیموں نے گلبرگ، فیصل ٹاؤن میں 40املاک سربمہر کر دیں، ٹیموں نے شادمان، شاد باغ، نیو مسلم ٹاؤن میں غیر قانونی کمرشل استعمال،کمرشل فیس کی عدم آدائیگی پر 41املاک سیل کر دیں۔ ٹیموں نے ریکوری آپریشن کے دوران وحدت روڈ، سبزہ زار میں 21املاک سربمہر کر دیں۔ سیل کی گئی املاک میں نجی سکول،سپر سٹور، کلینک، کیفے، ریستوران، ور کشا پ، فو ڈ پوائنٹ، دکانیں، دفاتر ودیگر شامل ہیں۔ آپریشن چیف ٹاؤن پلانرون اسد الزمان کی زیر نگرانی کیا گیا۔ڈی جی ایل ڈی اے کی ہدایت پر غیرقانونی کمرشل عمارتوں، کمرشل فیس نا دہندگان املاک کے خلاف بلاامتیاز کارروائیاں جاری ہیں۔