سرچ اینڈ سویپ آپریشنز،1533 افراد سے پوچھ گچھ،4گرفتار
لاہور (کر ائم رپو رٹر) صوبہ بھر میں پنجاب پولیس کے انٹیلی جنس بیسڈ سرچ، سویپ اینڈ کومبنگ آپریشنز جاری، 24 گھنٹوں کے دوران 45 سرچ اینڈ سویپ آپریشنز اور 1533 افراد سے پوچھ گچھ کی گئی جبکہ 04 مشتبہ افراد کو گرفتار کیا گیا۔ ترجمان پنجاب پولیس نے تفصیلات سے آگاہ کرتے ہوئے بتایا کہ 357 کومبنگ آپریشنز کیے گئے، 9546 مشتبہ افراد کی چیکنگ کی گئی اور 36 مشکوک افراد کو حراست میں لیا گیا۔ سرچ آپریشنز، چیکنگ کے دوران سنگین جرائم میں ملوث 147 اشتہاری، 65 عدالتی مفرور اور 27 عادی مجرمان گرفتار کئے گئے ترجمان پنجاب پولیس نے مزید بتایا کہ جرائم پیشہ و مشتبہ افراد کے قبضہ سے بڑی تعداد میں ناجائز اسلحہ اور گولیاں برآمد کی گئیں۔جرائم پیشہ افراد کے خلاف کاروائی کے دوران 02 مجرمان کیفرکردار کو پہنچے اور 03 کو زخمی حالت میں گرفتار کیا گیا۔
آئی جی پنجاب نے کہا کہ دہشت گردوں اور جرائم پیشہ عناصر کی سرکوبی کے لئے پنجاب پولیس کی فرضی مشقیں بھی جاری ہیں۔فرضی مشقوں میں پنجاب پولیس، سی ٹی ڈی، سپیشل برانچ، ایلیٹ فورس، ریسکیو 1122 اور قانون نافذ کرنے والے اداروں کی ٹیمیں حصہ لے رہی ہیں۔
