پی ایس ایل 10، لاہور قلندرز، کراچی کنگز آج آمنے سامنے

                                                                                     لاہور(سپورٹس رپورٹر) پاکستان سپر لیگ 10 میں آج واحد میچ کراچی کنگز اور لاہور قلندرز کے مابین کھیلا جائے گا۔  ایونٹ کے چھٹے میچ میں کراچی کنگز اور لاہور قلندرز کی ٹیمیں نیشنل سٹیڈیم کراچی میں مدمقابل ہوں گی۔ میچ رات 8 بجے شروع ہو گا اور فلڈ لائٹس کی روشنی میں کھیلا جائے گا۔لاہور قلندرز کی ٹیم شاہین شاہ آفریدی کی زیر قیادت میدان میں اترے گی کراچی کنگز کو مایہ ناز آسٹریلوی بلے باز ڈیو ڈ وارنر لیڈ کریں گے کراچی کنگز اور لاہور قلندرز کی ٹیموں کو روائتی حریف قرار دیا جاتا ہے دونوں ٹیموں کی جانب سے ایونٹ میں عمدہ پرفارمنس کا سلسلہ جاری ہے ٹیموں کے کپتانوں کا کہنا ہے کہ آج کامیچ اہمیت کا حامل ہے بھرپور تیاری کے ساتھ میدان میں اتریں گے اور کامیابی حاصل کریں گے۔