پنجابی کلچر کو پرموٹ کرنا، نئی نسل تک پہنچانا پنجاب حکومت کا ویژن،عظمیٰ بخاری

 لاہور (این این آئی) پنجاب بھر میں گزشتہ روز ”پنجابی کلچر ڈے“روایتی جوش و خروش کیساتھ منایا گیا۔ اس دن کی مناسبت سے وزارت اطلات و ثقافت پنجاب کے زیر اہتمام صو بے کے تمام اضلاع میں خصوصی تقریبات کا انعقاد کیا گیا۔تمام سرکاری محکموں میں افسران اور ملازمین نے پنجابی ثقافت کی نمائندگی کرتے ہوئے روایتی لباس زیب تن کیے ا و ر پنجا بی پگڑیاں پہن کر اپنی ثقافتی شناخت کا بھرپور مظاہرہ کیا۔پنجاب کی تمام آرٹس کونسلز میں کلچر ڈے کے سلسلے میں تقاریب کا انعقادکیاگیا، جہاں موسیقی، رقص اور دیگر ثقافتی مظاہر پیش کئے گئے۔ پنجاب بھر کے سرکاری سکولوں میں بھی کلچر ڈے شاندار جوش و خروش کیساتھ منایا گیا، جس کا مقصد نئی نسل کو اپنی روایات سے روشناس کرانا ہے۔اس موقع پر وزیر اطلا عا ت پنجاب عظمیٰ بخاری نے کہا 17 اپریل کو الحمرا لاہور میں ایک عظیم الشان تقریب منعقد کی جائیگی، جس میں وزیراعلیٰ پنجاب مریم نواز خصوصی خطاب کریں گی،مریم نواز پنجابی ثقا فت سے گہری دلی وابستگی رکھتی ہیں اور ان کی قیادت میں پنجاب حکومت ثقافت کے فروغ کیلئے سنجیدہ اقدامات کر رہی ہے۔عظمیٰ بخاری نے کہا پنجاب کی پگ پنجابیوں کی آن، با ن اور شان ہے، ہمارا کلچر دنیا بھر میں اپنی ایک منفرد پہچان رکھتا ہے، پنجابی کلچر کو فروغ دینا اور اسے نئی نسل تک پہنچانا پنجاب حکومت کا ویژن ہے، حکومتی کاوشوں کا مقصد ثقافتی ور ثے کو محفوظ بنانا اور عالمی سطح پر پنجاب کی پہچان کو مزید مضبوط کرنا ہے۔

عظمیٰ بخاری