دہشتگردی کیخلاف کثیر الجہتی بین الاقوامی حکمت عملی تیار کی جائے، محسن نقوی
لاہور(مانیٹرنگ ڈیسک، نیوزایجنسیاں) وفاقی وزیرداخلہ محسن نقوی نے کہا ہے دہشتگردی کے چیلنج کا کئی ممالک کو سامنا ہے، وقت آگیا ہے دہشتگردی کیخلاف کثیر الجہتی بین الاقو ا می حکمت عملی تیار کی جائے اور بلا تاخیر عمل کیا جائے۔وفاقی وزیرداخلہ محسن نقوی سے برطانوی رکن پارلیمنٹ محمد افضل خان نے ملاقات کی، جس میں پاک برطانیہ تعلقات کے فرو غ اور برطانیہ میں پاکستانی کمیونٹی کے مسائل کے حل پر گفتگو ہوئی، دہشتگردی سے نمٹنے کیلئے برطانیہ کے تعاون اور دہشتگردی کی حالیہ لہر، اسکے سدباب کیلئے کئے گئے اقدامات کے با ر ے میں تبادلہ خیال کیا گیا۔وفاقی وزیرداخلہ محسن نقوی نے پاک برطانیہ تعلقات کو مضبوط کرنے کیلئے موثر کردار پر برطانوی رکن پارلیمنٹ افضل خان کی کاوشوں کو سراہا، انہوں نے لیبر پارٹی کے سرکردہ رکن و ممبر پارلیمنٹ افضل خان کو برطانیہ میں الیکشن جیتنے پر مبارکباد دی۔محسن نقوی نے کہا امید ہے لیبر پارٹی کے دور میں پاک برطانیہ تعلقات نئی بلندیو ں کو چھوئیں گے، وزیر داخلہ کا کہنا تھا انسداد دہشتگردی کیلئے پاکستانی اداروں کی استعداد کار بڑھانے اور ٹریننگ کیلئے برطانوی تعاون کا خیر مقدم کریں گے، برطانیہ میں پاکستانیوں کی بہت بڑی تعداد آباد ہے، پاکستانی کمیونٹی پاکستان کیساتھ برطانوی معیشت کی مضبوطی کیلئے کلیدی کردار ادا کر رہی ہے۔برطانوی رکن پارلیمنٹ افضل خان نے گفتگو کرتے ہو ئے کہا دہشتگردی کیخلاف پاکستان کی قربانیوں کو قدر کی نگاہ سے دیکھتے ہیں، پاک برطانیہ تعلقات کی مزید بہتری کیلئے اپنا کردار ادا کرتا رہونگا۔
محسن نقوی
