سٹیج اداکارائیں اب ملبوسات حکومتی مقررکردہ مانیٹرنگ ٹیموں سے منظور کروائینگی: ذرائع
لاہور (فلم رپورٹر)سٹیج اداکارائیں حکومت کی جانب سے مقرر کردہ مانیٹرنگ ٹیموں سے اب اپنے ملبوسات بھی منظور کروائیں۔ذرائع سے معلوم ہوا ہے سٹیج ڈرامے میں ملبوسات کیسے ہونگے اس کی منظوری حکومت کی جانب سے ڈرامہ سنسر کرنیوالی ٹیم دیگی۔جو اداکارائیں اپنی مرضی سے لباس پہنیں گی ان کے ملبوسات کو ڈرامہ ایکٹ کی خلاف ورزی تصور کیا جائیگا۔ذرائع کا یہ بھی کہنا ہے کئی پرفارمرزایسے نازیبا اور ہیجان انگیز ملبوسات تیار کرواتی ہیں جو ڈرامہ ایکٹ کے مطابق نہیں ہوتے۔ذرائع کا مزید کہنا ہے نیا ڈرامہ ایکٹ روا ں ہفتے اسمبلی سے پاس ہو جائیگا،ان تمام اقدامات کا مقصد سٹیج کی بگڑی ہوئی صورتحال کو بہتر بنانا ہے، حکومت نے فیصلہ کیا ہوا ہے عوام کی تفریح و طبع اور فیملیوں کو تھیٹر واپس لانے کیلئے سخت سے سخت اقدامات کئے جائیں گے جو تھیٹر یا فنکار قوانین کی خلاف ورزی کا مرتکب ہوگا ابتدائی طور پر اس کو وارننگ دی جائیگی اگر وہ پھر بھی باز نہ آیا تو اس کو تاحیات پا بند ی کا سامنا ہوگا،واضح رہے موجودہ حکومت نے تھیٹر سے فحاشی کے مکمل خاتمے کا عزم کیا ہوا ہے،اس حوالے سے تھیٹر پرفارمرز کا کہنا ہے اتنی زیادہ سختی میں کام کرنا انتہائی دشوار ہے، متعدد چھوٹی پرفارمرز نے نئے ڈریسز بنوانے کیلئے پیسے نہ ہونے کے باعث اگلے سپل میں کام کرنے سے معذرت کرلی ہے۔
سٹیج اداکارائیں ملبوسات
