نسیم بیگم کے ملی نغمے ’’اے راہ حق کے شہیدو‘‘ نے فیس بک پر دھوم مچا دی

نسیم بیگم کے ملی نغمے ’’اے راہ حق کے شہیدو‘‘ نے فیس بک پر دھوم مچا دی

کراچی (این این آئی) نسیم بیگم کے ملی نغمے ’’اے راہ حق کے شہیدو‘‘ نے فیس بک پر دھوم مچا دی‘ اب تک فیس بک پر 8.5 ملین افراد دیکھ چکے ہیں اور 3 لاکھ 70 ہزار لوگ اسے شیئر کرچکے ہیں۔ہاکستان کا مشہور میوزک شو کوک اسٹوڈیو نئے سیزن کی پہلی قسط 13 اگست کو پیش کی گئی، جس میں پاکستان کے نامور گلوکاروں نے اپنی کارکردگی کا شاندار مظاہرہ کیا۔سیزن 9 کی پہلی قسط میں 4 گانے پیش کیے گئے، جن میں عابدہ پروین اور علی سیٹھی کا گانا ’آقا‘، نصیبو لال اور عمیر جسوال کا گانا ’ساسو مانگے‘، زیب بنگش کا گانا ’آجا رے مورے سئیاں‘ اور علی خان کا گانا ’جانے نہ تو‘ شامل ہیں۔ان گانوں کی پروڈکشن شاجو حیدر، شیراز اوپل اور نوری نے کی ہے۔واضح رہے کہ کوک اسٹوڈیو کے سیزن 9 کو گزشتہ ہفتے نسیم بیگم کے ملی نغمے ’اے راہ حق کے شہیدو‘ کے ساتھ لانچ کیا گیا تھا۔

جو اس سیزن میں موجود تمام گلوکاروں نے ایک ساتھ مل کر گایا۔یہ ملی نغمہ کوک اسٹوڈیو نے ملک کی راہ میں جان دینے والوں کو خراج تحسین کے طور پر پیش کیا تھا جسے اب تک فیس بک پر 8.5 ملین افراد دیکھ چکے ہیں اور 3 لاکھ 70 ہزار لوگ اسے شیئر کرچکے ہیں۔کوک اسٹوڈیو کی جانب سے ریلیز کی گئی پریس ریلیز میں بتایا گیا کہ اس سیزن میں تقریباً 30 آرٹس اور 6 میوزک ڈائریکٹرز نے حصہ لیا۔پاکستان کے نامور بینڈ اسٹرکنز کی پروڈکشن میں بننے والے سیزن 9 میں عابدہ پروین، احمد جہانزیب، علی عظمت، علی سیٹھی، امجد صابری، عاصم اظہر، باصت علی، بینا رضا، دامیا فاروق، فاخر محمود، ہارون شاہد، جبار عباس، جاوید بشیر، جنید خان، کاشف علی، معصومہ انور، میشا شفیع، مہوش حیات خان، محسن عباس حیدر، مومنہ مہتہسن، نعیم عباس، نصیبو لال، نتاشا خان، نرمل، نوری، قرۃالعین بلوچ، راحت فتح علی خان، علی خان، رضوان بٹ، سائیں ظہور، صنم ماروی، سارہ حیدر، شہزار نواز، شانی، شلپا راؤ، شیراز اوپل، شجاع حیدر، عمیر جسوال اور زیب بنگش شامل ہیں۔

مزید : کلچر